बुलडाणा अर्बनचे नवनिर्वाचित अध्यक्ष डॉ. सुकेश झंवर यांचा सत्कार सोहळा थाटात संपन्न..सहकार विद्या मंदिर व बुलढाणा अर्बन सांस्कृतिक वारसा, मूल्य संवर्धन व चांगला पाल्य घडवण्याचे कार्य करते आहे. डॉ. सुकेश झंवर...
जळगाव जामोद प्रतिनिधी....
स्थानिक जळगाव जामोद शहरातील केला आणि छोरीया सहकार विद्या मंदिर च्या २५ वर्षाचा तेजोमय ज्ञानदीप रौप्य महोत्सवाचे थाटात उद्घाटन झाले.यावेळी मंचावर आशिया खंडातील सर्वात मोठी पतसंस्था बुलडाणा अर्बन को. ऑपरेटिव क्रेडिट सोसायटी(मल्टिस्टेट) चे नवनिर्वाचित अध्यक्ष माननीय डॉ. श्री. सुकेशजी झंवर, माननीय माजी कॅबिनेट मंत्री तथा जळगांव जामोद मतदार संघांचे आमदार डॉ. श्री.संजयजी कुटे, लोकमत कॉर्पोरेट अफेअर्स चे अध्यक्ष ओमप्रकाश केला, ज्येष्ठ संचालक माननीय डॉ. किशोर केला, माननीय श्री. किसनलालजी केला, स्त्री शिक्षण संस्था धुळेच्या अध्यक्षा माननीय श्रीमती अलकाताई बियाणी, सहकार विद्या मंदिर च्या मुख्य संयोजिका माननीय डॉ. सौ.स्वाती केला, माननीय डॉ.दलाल साहेब उपस्थित होते. माननीय सहकार महर्षी श्री. राधेश्यामजी चांडक संस्थापक अध्यक्ष बुलडाणा अर्बन यांच्या अमृतमहोत्सवी अभिष्टचिंतन सोहळ्याकरिता आयोजित या भव्यदिव्य कार्यक्रमात व्हीडिओ फीत च्या माध्यमाने शाळेच्या या रौप्य महोत्सवकरिता आभासी पद्धतीने उपस्थित राहून आदरणीय राधेश्यामजी चांडक भायजी यांनी शुभेच्छा दिल्या.सुरुवातीला सर्व मान्यवरांच्या हस्ते गणपती पूजन व दीप प्रज्वलन करण्यात आले. केला आणि छोरीया सहकार विद्या मंदिर व बुलडाणा अर्बन सांस्कृतिक वारसा, मूल्यसंवर्धन व चांगला पाल्य घडविण्याचे सतत कार्य करते आहे व त्याचबरोबर सहकार म्हणजे सभासदांच्या हितासाठी व फायद्यासाठी आहे असे मत बुलडाणा अर्बन को. ऑपरेटिव क्रेडिट सोसायटी (मल्टीस्टेट) चे अध्यक्ष मा. डॉ. श्री. सुकेशजी झंवर यांनी आपल्या अध्यक्षीय भाषणात व्यक्त केले.२५ वर्षांपूर्वी सहकार विद्या मंदिराचे लावलेले रोपट आज नवनवीन तंत्रज्ञान व कौशल्य विकसित करून पुढे जात आहे, असे मत संस्थेचे जेष्ठ संचालक मा .डॉ. किशोरजी केला यांनी व्यक्त केले तर कार्यक्रमाचे डिजिटल उद्घाटन माजी कॅबिनेट मंत्री तथा आमदार डॉ. श्री. संजयजी कुटे यांनी केले. केला आणि छोरीया सहकार विद्या मंदिराने २५ वर्षाचा प्रवास पूर्ण केल्याबद्दल शुभेच्छा दिल्या व विविध क्षेत्रात लोकांना पुढे जाण्यासाठी बुलडाणा अर्बनची मदत झाली असे त्यांनी सांगितले. प्रमुख अतिथी म्हणून लाभलेल्या स्त्री शिक्षण संस्था धुळे च्या अध्यक्षा माननीय अलकाताई बियाणी यांनी मार्गदर्शनातून विविध उपक्रमा बद्दल शाळेचा गौरव करून शाळेला २५ वर्षे झाल्याबद्दल शुभेच्छा दिल्या.कार्यक्रमाच्या प्रास्ताविकेतून माननीय डॉ. सौ.स्वाती केला यांनी शाळेच्या सर्व वैशिष्ट्यांची संपूर्ण माहिती दिली व शाळेची २५ वर्षे पूर्ण झाल्याचे व पाहण्याचे भाग्य माननीय भाईजींमुळे मिळाले असे त्यांनी सांगितले.यावेळी बुलडाणा अर्बन चे नवनिर्वाचित अध्यक्ष माननीय डॉ. सुकेशजी झंवर यांचा सत्कार सोहळा पार पडला. त्यांना शाल, श्रीफळ व स्मृतिचिन्ह देऊन गौरवण्यात आले. परिसरातील सर्वच क्षेत्रातील मान्यवर शुभेच्छा देण्यासाठी फार मोठ्या संख्येने उपस्थित यानंतर उपस्थित होते.शाळेच्या रौप्य महोत्सवानिमित्त अनेक विद्यार्थी ,शिक्षक ,आजी-माजी विद्यार्थी ,शिक्षक यांनी शाळेविषयी असलेल्या प्रेम ,आपुलकी शब्दांनी व्यक्त करून शाळेने एक स्मरणिका तयार केली "रजत स्मरणदीप- २५ वर्षाचा तेजोमय ज्ञानदीप" या स्मरणिकेचे सुद्धा मान्यवरांच्या हस्ते विमोचन करण्यात आले.यानंतर उपस्थित सर्व मान्यवरांच्या हस्ते विद्यार्थ्यांनी बनवलेल्या विविध वस्तूंचे दालन तयार करण्यात आले होते जसे विविध प्राचीन अर्वाचीन भांड्यांची विद्यार्थ्यांना ओळख व्हावी यासाठी "भांड्यांची दुनिया" दालन, दुसरे दालन म्हणजे नादब्रह्म यामध्ये विद्यार्थ्यांनी स्वतःच्या हाताने विविध म्युझिकल इन्स्ट्रुमेंट स्वतःच्या हाताने बनवलेले होते, विद्यार्थ्यांना कृतीयुक्त शिक्षण देण्यासाठी शिक्षकांनी व विद्यार्थ्यांनी अनेक टीचिंग एड्स तयार केले होते त्याला , ज्ञानविश्व हे नाव देण्यात आले. विद्यार्थ्यांनी स्वतःच्या हाताने विविध हस्तकला तयार केल्या त्याला नाव देण्यात आले होते कला विश्व अशा या अशा सर्व दालनांचे उद्घाटन उपस्थित मान्यवरांच्या हस्ते करण्यात आले मान्यवरांनी सर्व दालनांचे निरीक्षण करून विद्यार्थ्यांनी केलेल्या या नाविन्यपूर्ण कला कृतींबद्दल विद्यार्थ्यांचे भरभरून कौतुक केले.कार्यक्रमाच्या दुसऱ्या सत्रात क्रीडा ज्योत यामध्ये विद्यार्थ्यांनी परेड, लाठी काठी ,कराटे, डंबेल, योगा, बलून ड्रिल, स्ट्रीक ड्रिल , मनोरा अशा विविध पद्धतीच्या मनमोहक कवायती सादर करून उपस्थितांचे मन जिंकले. उपस्थित सर्व मान्यवरांनी विद्यार्थ्यांचे सादर केलेल्या कवायतेबद्दल कौतुक केले.यानंतर तिसरे सत्र म्हणजे "रंगतरंग सांस्कृतिक ज्योत" यामध्ये विद्यार्थ्यांनी ऊल्लेखनीय व मंत्रमुग्ध करणारे विविध नृत्य ,नाटिक केल्या. यामध्ये मुख्य आकर्षण म्हणजे केला आणि छोरीया सहकार विद्या मंदिर शाळेची २५ वर्षाची गाथा सहकार संकुलाच्या मुख्य मा . सौ.डॉ.स्वाती केला लिखित सहकार पोवाडा सर्वांचे आकर्षणाचा ठरला .सहकार विद्या मंदिराची निर्मिती व कार्याचा दाखला या पोवाड्याच्या सादरीकरणातून शिक्षक व विद्यार्थ्यांनी स्पष्ट केला.यावेळी बुलडाणा अर्बन खामगाव विभागीय व्यवस्थापक प्रकाश सावळे, केला आणि छोरीया सहकार विद्या मंदिर चे प्राचार्य विनायक उमाळे, प्राचार्य प्रकाश भुते, प्राचार्य विनोद ईश्वरे, प्राचार्य राजेश लोहिया, प्राचार्य रविंद्र घायल, प्राचार्य योगेश घाटोळे, सर्व शाळेचे शिक्षक, शिक्षकेतर कर्मचारी, बुलढाणा अर्बन संस्थेचे शाखा व्यवस्थापक व कर्मचारी मोठ्या संख्येने उपस्थित होते. शेवटी स्नेहभोजनाने या अविस्मरणीय सोहळ्याची सांगता झाली. कार्यक्रमाचे अतिशय आकर्षक व सुंदर सूत्रसंचालन शाळेचे शिक्षक साकेत गिरजापुरे, सौ.स्वाती वैष्णव ,कु. वैष्णवी चतारे यांनी केले ज्यामुळे कार्यक्रमाचे वातावरण दिव्य, आल्हाददायक आणि मंगलमय होते.संपूर्ण कार्यक्रमासाठी शाळेतील संपूर्ण शिक्षक वर्ग व शिक्षकेतर कर्मचारी यांनी अथक परिश्रम घेऊन यशस्वी केला. हा भव्य, तेजस्वी, आकर्षक, अविस्मरणीय,प्रेरणादायी व उल्लेखनीय सोहळा सर्वांच्या मनात कायमस्वरूपी कोरला जाईल.