बुलढाणा जिल्हा प्रतिनिधी/सुरज देशमुख.
बुलढाणा जिल्ह्यात मोठ्या प्रमाणात अवैध बायोडिझेलची सर्रास विक्री सुरू असून याकडे प्रशासनाचे दुर्लक्ष आहे. अधून मधून प्रशासनाकडून “शो-रेड” केली जाते मात्र पुढे काय कार्रवाई होते हे समोर येतच नाही. मलकापुर एमआयडीसी मध्ये अशीच एका अवैध बायोडिझल प्लांटवर पोलिसांनी कारवाई केली होती.या प्रकरणी बातमीचा फालो-अप घेणाऱ्या पत्रकारांना मलकापुर येथील अवैध बायोडिझेल माफियाने गुरवारी ६ जानेवारीला पत्रकार दिनी हात-पाय तोडण्याची धमकी दिली आहे. या प्रकरणी मलकापूर आणि बुलढाण्यात गुन्हे दाखल करण्यात आले आहे.मलकापुरचे उपविभागीय पोलीस अधिकारी त्यागी यांनी मलकापूर एमआयडीसी परिसरात अवैध पद्धतीने सुरु असलेल्या बायोडिजलच्या प्लांटवर २३ डिसेंबरला छापा मारून कारवाई केली होती, मात्र या प्रकरणात ७ दिवस उलटुनही गुन्हे दाखल न झाल्यामुळे टीव्ही जर्नालिस्ट असोसिएशनचे बुलडाणा जिल्हा अध्यक्ष तथा ईटीव्ही भारतचे प्रतिनिधी वसीम शेख यांनी मलकापूर तहसीलदार यांना ३० डिसेंबर रोजी फोन करुन पोलीसात गुन्हा का दाखल झाला नाही ? असे विचारले असता तपासणीसाठी पाठवलेले नमुन्याचे अहवाल येताच पुढील कारवाई करण्यात येईल असे सांगण्यात आले होते. दरम्यान गुरुवारी ६ जानेवारीला पत्रकार वसीम शेख यांना दुपारी एका मोबाईल नंबरवरून मलकापुर येथील इफ्तेखार नामक बायोडिझल माफियाने फोन करून म्हटले की, माझे बायोडिजलचे पंप बंद झाले आहे आणि अश्लील भाषेत बोलत हातपाय तोडण्याची धमकी दिली. याप्रकरणी पत्रकार वसीम शेख यांनी बुलडाणा शहर पोलीस स्टेशनमध्ये तक्रार दाखल केली आहे. यांनतर याच माफियाने मलकापूर शहरातील गजानन ठोसर यांना हि याच बायोडीझल माफियाने फोनवरून धमकी दिली यानंतर मलकपुरातील पत्रकारांनी रात्री पोलीस स्टेशनला पोहचून तक्रार नोंदवल्यावरून आरोपी इफ्तेखार विरुद्ध गुन्हा दाखल करण्यात आला आहे.