जळगांव जामोद पोलीस स्टेशन हद्दीतील सुनगांव येथे दिनांक 10 नोव्हेंबर रोजी 52 वर्षिय इसमाचा खुन झाल्याची धक्कादायक घटना आज सकाळी उघडकीस आल्याने एकच खळबळ उडाली.सुनगावातील रहिवासी असलेले मोतीराम मारोती धुळे यांचा दिनांक 9 नोव्हेंबर रोजी प्रल्हाद रघुनाथ बोदडे यांच्या गावाच्या बाहेरील रोड लगतच्या घराच्या पाठीमागील मोकळ्या जागेत रस्त्याने जात असलेल्या नागरिकांना मृतदेह आढळून आला. यावेळी येथील नागरिकांनी पोलीस पाटील यांना घटतेची माहिती दिली व पोलीस पाटील यांनी तातडीने जळगाव जामोद पोलिसांना याबाबत कळविले. पोलिसांनी घटनास्थळी जाऊन पंचनामा केला असता मृतक मोतीराम मारुती धुळे यांच्या गळ्यावर धारदार हत्याराने वार केलेले आढळले. यावेळी पोलिसांनी काही वेळातच आरोपीचा शोध घेऊन आरोपीस अटक केली. यावेळी आरोपीने सदर गुन्ह्याची कबुली दिली. आरोपीचे नाव शेषराव सखाराम दामधर राहणार सूनगाव येथील असल्याचे निष्पन्न झाले. सुनगाव गावामध्ये या खुणाबाबत विविध चर्चा नागरिकांमध्ये सुरू होत्या त्यामध्ये खून का बदला खून हे सर्वात जास्त चर्चिल्या गेले सन 1995 मध्ये मोतीराम धुळे यांनी शेषराव दामधर यांचे वडील सखाराम दामधर यांचा खून केला होता. त्या खुणाच्या गुन्ह्यामध्ये मोतीराम धुळे यांना शिक्षा झाली होती शिक्षा भोगून ते गावात राहत होते. दिनांक 9 नोव्हेंबर रोजी रात्री 10 वाजे दरम्यान मोतीराम धुळे हे शेषराव दामधर यांच्यासोबत जाताना दिसल्याने व फिर्यादी रवींद्र नारायण धुळे यांनी दिलेल्या फिर्यादीमुळे या खुणाचा लगेच उलगडा झाला रविंद्र धुळे यांच्या फिर्यादीवरून आरोपीविरूध्द भादवी कलम 302 नुसार खुनाचा गुन्हा दाखल करण्यात आला आहे. पुढील तपास वरिष्ठांच्या मार्गदर्शनात जळगाव जामोद पोलीस करीत आहे.