ईसोलीत शिवपार्वतीचा विवाह सोहळा थाटात..अखंड हरिनाम सप्ताह: पार्वतीच्या भूमिकेतील तन्मय येवलेने वेधले लक्ष..
आर सी २४ न्युज नेटवर्क...
इसोली येथील विठ्ठल संस्थानमध्ये आयोजित अखंड हरिनाम सप्ताहात तिसऱ्या दिवशी शिवपार्वतीचा लग्न सोहळा थाटात पार पडला. रामायणाचार्य हभप वेणूताई पाटील यांच्या वाणीतील मंगलाष्टकांनी शोभा आणली. पार्वतीच्या भूमिकेतील तन्मय येवले याने सर्वांचे लक्ष वेधले. शंकराची भूमिका अर्णव याने साकारली.अखंड हरिनाम सप्ताहाला २ डिसेंबरपासून सुरुवात झाली. सकाळी ज्ञानेश्वरी पारायण, दुपारी रामायण आणि संध्याकाळी हरिनाम कीर्तन असा दिनक्रम असणार आहे. सात दिवस गावात अध्यात्मिक वातावरण राहणार आहे. गोविंद येवले व सौ.अनिता येवले यांनी रामायणाचार्य हभप वेणूताई पाटील रिसोडकर यांचा सत्कार करुन आशीर्वाद घेतले. वेणूताईच्या वाणीतून रामायण ऐकले. प्रत्येकाने प्रभू श्रीराम यांचे विचार आचरणात आणावे, असे आवाहन गोविंद येवले यांनी केले. संगीत रामायणात मंजूळ गायिका ज्ञानेश्वरीताई पाटील, हभप ज्ञानेश्वर महाराज गाडेकर, हभप देवानंद महाराज शेळके, हभप शेषराव महाराज शेळके, उत्कृष्ट मृदुंग वादक हभप अमोल महाराज धनलोभे यांनी विशेष साथ दिली. रामायण ऐकण्यासाठी पुरुष व महिला बहुसंख्येने उपस्थित होत्या.