अकोला शहरातील सहाय्यक पोलीस उपनिरीक्षकाची विष प्राशन करून आत्महत्या..
अकोला प्रतिनिधी/राजेश दामोदर...
अकोला शहरात सहाय्यक पोलीस उपनिरीक्षक जगदीश शिंदे यांनी आत्महत्या केल्याची धक्कादायक घटना समोर आली आहे. जगदीश शिंदे हे अकोला पोलीस मुख्यालय येथे कार्यरत होते. त्यांनी आपल्या मूळगावी, म्हैसपूर येथे विष प्राशन करून आत्महत्या करण्याचा प्रयत्न केला होता. करीता विष प्राशन करताच त्यांना तातडीने अकोला येथील सरकारी रूग्णालयामध्ये उपचाराकरीता दाखल करण्यात आले होते. परंतू उपचार करतेवेळी त्यांचा अचानक दुर्दैवी मृत्यू झाला. या घटनेने अकोला पोलीस दलात , आणि परिसरात खळबळ उडाली आहे. जगदीश शिंदे यांनी टोकाचे पाऊल का उचलले, याचे नेमके कारण अद्याप स्पष्ट झालेले नाही. पण एएसआयने आत्महत्या केल्यामुळे अनेक प्रश्न उपस्थित झाले आहेत. एखाद्या पोलीस कर्मचाऱ्याला इतके टोकाचे पाऊल उचलण्यास करणारी परिस्थिती प्रवृत्त काय असेल, याबाबत अकोल्यात चर्चा सुरू आहे. जगदीश शिंदे यांचे कुटुंबीय, सहकारी आणि स्थानिकांमध्येही या घटनेबाबत शोक व्यक्त करण्यात येत आहे.जगदीश शिंदे यांच्या आत्महत्येमागे वैयक्तिक, कौटुंबिक किंवा कामाच्या ठिकाणी काही तणाव होता का, याचा तपास पोलिसांकडून केला जात आहे.जगदीश शिंदे यांच्या मृत्यूप्रकरणी अकोल्याच्या कोतवाली पोलीस ठाण्यात आकस्मिक मृत्यूची नोंद करण्यात आली आहे. अकोला पोलिसांकडून याचा तपास सुरू केला जात आहे. जगदीश शिंदे यांच्या कुटुंबीयांचे जबाब आणि इतर पुराव्यांच्या आधारे आत्महत्येच्या कारणांचा शोध घेतला जात आहे. शिंदे यांच्या आत्महत्या प्रकरणी अकोला पोलिस प्रशासनाकडून अधिकृत माहिती लवकरच जाहीर होण्याची शक्यता आहे.