अवैध रित्या गौण खनिजाची वाहतूक करणारे 3 ट्रॅक्टर पकडले शेगाव महसूल प्रशासनाची कारवाई....
सुरज देशमुख/बुलढाणा जिल्हा प्रतिनिधी....
गौण खनिजाची अवैध रित्या वाहतूक करणाऱ्या 3 ट्रॅक्टरला महसूल पथकातील कर्मचाऱ्यांनी पकडले असल्याची घटना दि 23 जुन रोजी दुपारी मच्छिंद्रखेड शिवारात घडली. या प्रकरणी पोलिसांनी 3 ट्रॅक्टर चालका विरुद्ध गुन्हा दाखल केला आहे.जवळच असलेल्या मच्छिंद्रखेड शेत शिवारातुन गौण खनिजाची अवैध रित्या वाहतूक करणाऱ्या 3 ट्रॅक्टरला महसूल कर्मचाऱ्यांनी तपासणीसाठी थांबवले असता सदर ट्रॅक्टर चालकांनी महसूल कर्मचाऱ्याला तुम्ही बाजूला व्हा तुम्हाला काय करायचे ते करा असे म्हणून ते तिन्ही ट्रॅक्टर चालक आपले वाहने घेऊन पळून गेले असून त्यांनी शासकीय कामात अडथळा निर्माण केला आहे.अशी फिर्याद तलाठी सुदर्शन कोळी यांनी जलंब पोस्टेला दिली यावरून पोलिसांनी ट्रॅक्टर चालक सोपान समाधान मुंडाले, सागर बळीराम मुंडे, प्रकाश भीमराव गव्हांदे रा.जलंब यांच्याविरुद्ध अप नं.128/2025 कलम 303(२),186,3(५) BNS अन्वे गुन्हा दाखल केला असून वाहने पोस्टेला लावण्यात आली आहे.सदर कारवाई शेगाव तहसीलदार दीपक बाजड यांच्या मार्गदर्शनाखाली महसूल पथकातील कर्मचारी सुदर्शन कोळी, जयश्री उमाळे, मंगेश भारंबे, उन्नती पिल्ले आदींनी केली आहे .पुढील तपास ठाणेदार अमोल सांगळे यांच्या मार्गदर्शनाखाली पोहेका नन्हेखा तडवी पोका बोदडे करीत आहेत..