💥भाजप कार्यकर्ता पंकज देशमुख आत्महत्या प्रकरणाचा तपास आता एसडीपीओ सुधीर पाटील यांच्याकडे...

 💥भाजप कार्यकर्ता पंकज देशमुख आत्महत्या प्रकरणाचा तपास आता एसडीपीओ सुधीर पाटील यांच्याकडे...

जळगाव जामोद प्रतिनिधी...

मागील महिन्यात दिनांक ३ मे रोजी केळीच्या शेतामध्ये झाडाच्या फांदीला रुमालच्या सहाय्याने गळफास घेतलेल्या स्थितीत लटकलेल्या जळगाव जामोद शहरातील भाजपा कार्यकर्ते तसेच शासकीय कंत्राटदार असलेले पंकज देशमुख यांच्या आत्महत्या प्रकरणाने एक नवीन वळण घेतले असून पंकज देशमुख यांच्या पत्नी सुनीता देशमुख यांनी मुख्यमंत्र्यांसह जिल्हा पोलीस अधीक्षकाकडे केलेल्या तक्रारीत त्यांनी त्यांचे पती पंकज देशमुख हे आत्महत्या करूच शकत नाहीत माझ्या पतीने आत्महत्या केली त्या स्थळाची परिस्थिती पाहता त्यांच्या शरीरावरील जखमा त्यांची मोडलेली बोटे यामुळे माझ्या पतीचा घात झाला असल्याचे म्हटले आहे. तसेच पंकज देशमुख यांच्या पत्नी यांनी सीआयडी चौकशीची मागणी सुद्धा केली होती. पंकज देशमुख यांच्या प्रकरणात सुनीता पंकज देशमुख यांच्या तक्रारीची दखल घेऊन व पंकज देशमुख आत्महत्या प्रकरण आत्महत्या नसून हत्याच आहे याला मिळत असलेले राजकीय पाठबळ त्याच अनुषंगाने नव्यानेच रुजू झालेले जिल्हा पोलीस अधीक्षक निलेश तांबे यांनी या तपासाची सर्व सूत्रे आता उपविभागीय पोलिस अधिकारी मलकापूर सुधीर पाटील यांना सोपविली आहेत.. मलकापूर उपविभागीय पोलीस अधिकारी सुधीर पाटील हे शासकीय कत्राटदार असलेले पंकज देशमुख यांची आत्महत्या कि हत्या या प्रकरणाचा सखोल तपास करून लवकरच हे प्रकरण निकाली काढणार का असा प्रश्न आता सर्वसामान्यांना पडला आहे.