आर सी २४ न्युज नेटवर्क...
नागपूर येथे सुरू असलेल्या विधानसभेच्या हिवाळी अधिवेशनादरम्यान आज सकाळी माजी मंत्री तथा आमदार डॉ. संजय कुटे यांनी भंडारा जिल्ह्यातील शहापूर येथील SGB डिफेन्स सर्व्हिसेस अकॅडमी व SGB ऑफिसर्स पब्लिक स्कूलला भेट देत विद्यार्थ्यांशी प्रेरणादायी संवाद साधला.महाराष्ट्रातील आर्मी, नेव्ही, एअरफोर्स तसेच IAS–IPS अधिकाऱ्यांना घडवणारी अग्रगण्य संस्था प्रत्यक्ष पाहण्याची इच्छा पूर्वीपासूनच असल्याचे सांगत आ. डॉ. कुटे म्हणाले, “ही इच्छा आज पूर्ण झाली याचा मला मनस्वी आनंद आहे.”
डॉ. कुटे यांनी संपूर्ण अकॅडमी परिसराची पाहणी करून येथे असलेल्या उत्कृष्ट सुविधा, शिस्तबद्ध वातावरण व दूरदृष्टीपूर्ण प्रशिक्षण पद्धतीचे कौतुक केले.जळगाव जामोद मतदारसंघातील सातपुड्याच्या पायथ्याशी अशाच दर्जाची डिफेन्स ट्रेनिंग संस्था उभारण्याचा संकल्पही त्यांनी व्यक्त केला.विद्यार्थी आणि शिक्षकांशी मनमोकळा संवाद साधून संस्थेचा निरोप घेताना त्यांनी “देशसेवेसाठी सज्ज होत असलेल्या या तरुण पिढीकडून सकारात्मक ऊर्जा घेऊन परतलो” असे सांगत सर्वांना मनःपूर्वक शुभेच्छा दिल्या.