अनिल भगत/आर सी २४ न्युज नेटवर्क...
वेळ पुढे निघून जाते, पण शालेय जीवनातील आठवणी मात्र मनात घर करून राहतात. याचाच प्रत्यय नुकताच निमखेडा मारुती संस्थान येथे आला. सुनगाव येथील मातोश्री नथियाबाई विद्यालयाच्या सन २००७-२००८ या दहावीच्या बॅचचा स्नेहसंमेलन सोहळा मोठ्या उत्साहात आणि कौटुंबिक वातावरणात संपन्न झाला.या कार्यक्रमाचे मुख्य आकर्षण म्हणजे विद्यालयाचे मुख्याध्यापक एस.पी. सोळंके सर यांची विशेष उपस्थिती होती. आपल्या लाडक्या विद्यार्थ्यांनी दिलेल्या आमंत्रणाला मान देऊन सर उपस्थित राहिले होते. यावेळी विद्यार्थ्यांनी शाल व श्रीफळ देऊन सोळंके सरांचा यथोचित सत्कार केला. आपल्या जुन्या विद्यार्थ्यांना स्थिरस्थावर झालेले पाहून सरांनीही अत्यंत भावूक होऊन सर्वांना पुढील वाटचालीस आशीर्वाद दिले.दुपारच्या स्नेहभोजनानंतर सविस्तर परिचय सत्राचा कार्यक्रम पार पडला. तब्बल १८ वर्षांनंतर एकमेकांना भेटल्यामुळे प्रत्येकाच्या चेहऱ्यावर एक वेगळाच आनंद ओसंडून वाहत होता. केवळ मित्रच नव्हे, तर अनेकांनी आपल्या परिवारासह या मेळाव्याला हजेरी लावली होती, ज्यामुळे या कार्यक्रमाला एका मोठ्या कौटुंबिक सोहळ्याचे स्वरूप प्राप्त झाले होते.या स्नेहमेळाव्यासाठी भोजनाचा खास बेत आखण्यात आला होता. मिरची भाजी, बाफले, काला जामुन, भात, सॅलड आणि मसाला पापड अशा गावरान मेजवानीवर सर्वांनी मनसोक्त ताव मारला.या कार्यक्रमाला कृष्णा गवई, नंदकिशोर काळपांडे, राहुल येऊल, अशोक धर्मे, रवी नानकदे, लक्ष्मण धर्मे, श्रीराम बानाईत, रवी धुळे, अर्जुन कपले, सचिन धुर्डे, विनोद हागे, सचिन गायगोल, अनिल पाटील, सुरेश गवई, अमोल कपले, रमेश कपले, अजय ठाकरे, सुनील अंबडकार, दीपक घोलप, रामेश्वर कपले, निलेश केदार, निलेश ढगे, अशोक वसूलकार, अनिल अंबडकार, ज्ञानेश्वर धुळे, वसंता अंबडकार, प्रकाश वंडाळे आणि त्यांचे परिवार या स्नेहमेळाव्यात उपस्थित होते.अनेक वर्षांनंतर जुन्या मित्रांच्या भेटीने बालपणीच्या आठवणींना उजाळा मिळाला आणि हा दिवस सर्वांच्या स्मरणात राहील अशा रीतीने या स्नेहसंमेलनाची सांगता झाली.