जळगाव जामोद (प्रतिनिधी):
महाराष्ट्र राज्य माध्यमिक व उच्च माध्यमिक शिक्षण मंडळाने जाहीर केलेल्या इयत्ता बारावीच्या निकालात स्थानिक 'दि न्यू इरा कनिष्ठ महाविद्यालयाने' आपले वर्चस्व सिद्ध केले आहे.महाविद्यालयाच्या विज्ञान शाखेने १००% निकालाची गौरवशाली परंपरा कायम राखली असून, कला शाखेनेही ८२.५०% गुणांसह यशाची पताका फडकवली आहे.विज्ञान शाखेतून यावर्षी एकूण १८१ विद्यार्थी परीक्षेला बसले होते, आणि विशेष म्हणजे सर्वच्या सर्व १८१ विद्यार्थी उत्तीर्ण झाले आहेत. या निकालाचे वैशिष्ट्य म्हणजे ७ विद्यार्थ्यांनी विशेष प्राविण्य श्रेणी (Distinction) प्राप्त केली आहे.प्रथम क्रमांक: कु. ज्ञानेश्वरी विठ्ठल निलजे (८४.८३%)द्वितीय क्रमांक: कु. ऋचा अमित वडोदकर व युवराज संजयसिंग राजपूत (दोघेही ८३.६७%)तृतीय क्रमांक: कु. वैष्णवी दीपक जोध (७९.१७%)
इतर निकालात २६ विद्यार्थी प्रथम श्रेणीत, ११४ विद्यार्थी द्वितीय श्रेणीत आणि ३४ विद्यार्थी उत्तीर्ण श्रेणीत यशस्वी झाले आहेत.कला शाखेतून एकूण १२० विद्यार्थी परीक्षेला प्रविष्ट झाले होते, त्यापैकी ९९ विद्यार्थी यशस्वी झाले असून निकालाची टक्केवारी ८२.५०% इतकी आहे. कला शाखेतून खालील विद्यार्थ्यांनी यश संपादन केले:
प्रथम क्रमांक: कु. राधा रामकृष्ण पारस्कर (८४.८३%)द्वितीय क्रमांक: कु. रुचिता निलेश वंडाळे (८३.६७%)तृतीय क्रमांक: कु. दिव्या जयवंत ताकोते (८२.६७%)कला शाखेतील ८ विद्यार्थ्यांनी प्राविण्य श्रेणी, २९ विद्यार्थ्यांनी प्रथम श्रेणी, ४५ विद्यार्थ्यांनी द्वितीय श्रेणी तर १७ विद्यार्थ्यांनी पास श्रेणी मिळवली आहे.कनिष्ठ महाविद्यालयाचे प्राचार्य अविनाश कुळकर्णी यांच्या कुशल मार्गदर्शनाखाली महाविद्यालयाने हे यश संपादन केले आहे. विद्यार्थ्यांच्या या यशाबद्दल व्यवस्थापन समिती, शिक्षकवृंद आणि पालकांनी आनंद व्यक्त केला आहे. यशस्वी विद्यार्थ्यांचे आणि त्यांना मार्गदर्शन करणाऱ्या शिक्षकांचे सध्या संपूर्ण परिसरातून अभिनंदन होत आहे.