मलकापूर प्रतिनिधी...
बालमजुरी ही समाजासाठी गंभीर समस्या असून, बालकांचे शिक्षण, आरोग्य आणि भविष्य धोक्यात आणणारी ही प्रथा कायद्याने गुन्हा आहे. याच पार्श्वभूमीवर संबंधित प्रशासनाने केलेल्या संयुक्त कारवाईत तीन बाल कामगाराची यशस्वी मुक्तता करण्यात आली.मिळालेल्या माहितीनुसार, संबंधित ठिकाणी अल्पवयीन मुलाकडून काम करून घेतले जात असल्याची माहिती प्रशासनाला मिळाली होती. त्यानंतर कामगार विभाग, पोलीस प्रशासन आणि बाल संरक्षण यंत्रणेच्या अधिकाऱ्यांनी संयुक्तपणे छापा टाकून त्या बालकाची सुरक्षित सुटका केली.मुक्त करण्यात आलेल्या बालकाला आवश्यक समुपदेशन, वैद्यकीय तपासणी आणि पुढील शिक्षण व पुनर्वसनासाठी संबंधित बाल कल्याण समितीकडे सोपविण्यात आले आहे. तसेच संबंधित आस्थापना चालकाविरुद्ध बालमजुरी प्रतिबंधक कायद्यानुसार आवश्यक कायदेशीर कारवाई सुरू करण्यात आली आहे.प्रशासनाने नागरिकांना आवाहन केले आहे की, कुठेही अल्पवयीन मुलांकडून काम करून घेतले जात असल्याचे आढळल्यास तात्काळ संबंधित विभागाला माहिती द्यावी. बालकांना शिक्षण, सुरक्षितता आणि सन्मानाने जगण्याचा अधिकार आहे. बालमजुरीला आळा घालण्यासाठी समाजातील प्रत्येक नागरिकाने जागरूक राहून प्रशासनाला सहकार्य करणे ही काळाची गरज आहे. यावेळी बुलढाणा. यांच्या प्रमुख मार्गदर्शनातमा.कामगार उपायुक्त, अमरावती राऊत साहेब यांचे निर्देशान्वये व रा.रा.काळे, सहाय्यक कामगार आयुक्त,अकोला. आणि शैलेश देशमुख सरकारी कामगार अधिकारी, बुलढाणा. यांच्या प्रमुख मार्गदर्शनात मलकापूर,जिल्हा बुलढाणा.येथे 02 आस्थापना वर 03 बालकामगार आढळून आले.कृती दलाच्या धाडसत्रामधे आज दिनांक 15 जुलै 2026 रोजी तालुका मलकापूर येथून 02 किशोरवयीन व 01 बाल कामगाराची मुक्तता करण्यात येऊन आस्थापना मालकावर एफ.आय.आर.दाखल करण्यात आला. सदर धाडसत्रामधेपथक प्रमुख.1) योगेश गोटे,दुकाने निरीक्षक, मलकापूर.2)सतीश देशमुखदुकाने निरीक्षक,मेहकर.3) राजेश वणारे,दुकाने निरीक्षक खामगांव.4) निलेश चौथनकर जिल्हा महिला बाल विकास कार्यालय बुलढाणा 5) पोलीस कॉन्स्टेबल कैलास सोनुने 6) पोलीस कॉन्स्टेबल शेख मतीन शेख मुकीम7) अशोक डोळस सरकारी कामगार अधिकारी कार्यालय कर्मचारी यांनी सहभाग घेतला.