जळगाव जामोद(प्रतिनिधी);
जळगाव जामोद शहरात फेरफटका मारत असताना आमदार डॉ. संजय कुटे यांची बालपणीच्या सवंगड्यांशी अचानक भेट झाली. अनेक वर्षांनंतर समोर आलेल्या जुन्या मित्रांना पाहताच त्यांच्या चेहऱ्यावर आनंद उमटला आणि बालपणीच्या आठवणींना उजाळा मिळाला. यावेळी त्यांनी सवंगड्यांसोबत काही वेळ मनमोकळ्या गप्पा मारत जुन्या आठवणींमध्ये रमण्याचा आनंद घेतला.लोकप्रतिनिधी म्हणून काम करताना विविध विकासकामे, जनतेच्या समस्या आणि सामाजिक उपक्रमांमुळे सततची धावपळ सुरू असते. त्यामुळे जिव्हाळ्याच्या व्यक्तींशी निवांतपणे भेटणे अनेकदा शक्य होत नाही. अशा परिस्थितीत अचानक झालेली ही भेट डॉ. कुटे यांच्यासाठी आनंददायी ठरली.यावेळी बालपणीच्या मित्रांसोबत गप्पा मारताना जुन्या आठवणींना उजाळा मिळाला. राजकीय आणि सामाजिक जीवनातील व्यस्ततेपासून काही क्षण दूर होत डॉ. कुटे यांनी मित्रांसोबत मनमोकळेपणाने संवाद साधला.“बालपणीच्या मैत्रीला काळाचे बंधन नसते. वर्षे कितीही सरली आणि जबाबदाऱ्या कितीही वाढल्या, तरी जुन्या सवंगड्यांसोबतच्या गप्पांमध्ये मिळणारा आनंद कायम तसाच असतो,” अशी भावना आमदार डॉ. संजय कुटे यांनी यावेळी व्यक्त केली.आमदार म्हणून सार्वजनिक जीवनात कार्यरत असतानाही जुन्या मित्रांशी असलेले जिव्हाळ्याचे नाते आणि साधेपणा जपणारा हा प्रसंग उपस्थितांसाठीही आनंददायी ठरला.