भाजपचे विधान परिषद विरोधी पक्षनेता प्रविण दरेकर यांनी राष्ट्रवादी कॉंग्रेस पक्ष तसेच महिलांबद्दल अपमानास्पद व आक्षेपार्ह वक्तव्य केल्याने त्याच्या निषेधार्थ आज राष्ट्रवादी कॉंग्रेस महिला आघाडीतर्फे वरणगाव शहरातील बस स्टँड चौकात दरेकर यांच्या प्रतिमेला जोडे मारो आंदोलन करण्यात आले. यावेळी जोरदार घोषणाबाजीही करण्यात आली.विधान परीषदेचे विरोधी पक्ष नेता भाजप यांनी राष्ट्रवादी कॉंग्रेस पक्ष हा रंगलेल्या गालांचा मुका घेणारा पक्ष आहे. अशाप्रकारे पक्षाचा तसेच महिलांचा अपमान करणारे आक्षेपार्ह वक्तव्य केले होते. दरेकर यांच्या वक्तव्याचा निषेध म्हणून भुसावळ तालुक्यातील वरणगाव राष्ट्रवादी कॉग्रेंस महिला आघाडीतर्फे बस स्टँड चौकात दरेकरांच्या फोटोवर जोडे मारो आंदोलन करण्यात आले. प्रवीण दरेकर मुर्दाबाद, भाजपचा निषेध असो, दरेकरांचा निषेध असो, महिलांचा अपमान करणार्यांचा निषेध असो, दरेकरांचे करायचे काय, खाली डोक वरती पाय अशा पध्दतीने जोरदार घोषणाबाजीही यावेळी करण्यात आली. यावेळी जळगांव जिल्हा महिला जिल्हाध्यक्ष सौ. वंदना ताई चौधरी यांच्या नेतृत्वाखाली महिला उपाध्यक्षा सौ.प्रतिभाताई तावडे,महिला आघाडी शहराध्यक्ष सौ रंजना ताई पाटील,माजी नगराध्यक्ष सौ अरुणा ताई इंगळे,माजी नगरसेविका सौ.रोहिणी ताई जावळे, माजी नगरसेविका नसरीन बी साजिद कुरेशी,वैशाली मराठे,प्रतिभा सोनवणे,सौ. सुरळकर ताई,युवक जिल्हा उपाध्यक्ष श्री. वाय. आर.पाटील सर, तालुकाध्यक्ष श्री.दीपक भाऊ मराठे, अल्पसंख्यांक तालुकाध्यक्ष श्री.पप्पू भाई जकातदार, तालुका उपाध्यक्ष श्री प्रकाश नारखेडे, शहर उपाध्यक्ष कैलास माळी,माजी नगरसेवक श्री.सुधाकर भाऊ जावळे, अनिल चौधरी,रवि पाटील, इफ्तेखार मिर्झा, जितू मराठे,शेख रिजवान,महेश सोनवणे,सोहेल कुरेशी, पिंटू धोबी,कौस्तुभ पाटील,राजेश इंगळे सर,जितेंद्र तावडे आदी पदाधिकारी कार्यकर्ते उपस्थित होते.