अचलपूर तालुका अंतर्गत येणाऱ्या कांडली परिसरातील दत्त नगर येथे असलेल्या एका गॅस एजन्सीच्या गोदामाजवळ पोलीसांनी जप्त करुन दिलेले दुसर्‍या झोपडीतील सिलिंडरला रविवारी सकाळी आठ वाजताच्या दरम्यान आग लागली. या घटनेने परिसरात एकच खळबळ उडाली आहे. मोठय़ा आवाजाने नागरीक घराबाहेर जीव वाचवत सैरावैरा पळत सुटले. या घटनेत कोणालाच दुखापत झाली नसल्याचे माहिती मिळत आहे. घटनास्थळी अग्निशामक दल, पोलीस दल सुरक्षा पथक तैनात असल्याचे अचलपूरचे उपविभागीय अधिकारी संदीप कुमार अपार यांनी बोलताना सांगितले.परतवाडा शहराला लागून कांडली ग्रामपंचायत आहे. रस्त्यालगत श्रीराम गॅस एजन्सीचे गॅस गोदाम आहे. त्यामध्ये मोठ्या प्रमाणात सिलिंडरचा साठा ठेवण्यात आला आहे. परंतु त्या गोदामाजवळ 500 मीटर दुर अंतरावर पोलीसांनी जप्त केलेले सिलेंडर एका झोपडीत सात ते आठच्या संख्येत ठेवण्यात आले होते. रविवारी सकाळी अचानक आग लागल्याने ठेवण्यात आलेल्या सिलिंडरचा स्फोट होऊ लागला मध्यवस्तीत असल्याने घाबरून नागरिक पळू लागले.
🔷नागरीकांचा संताप...
भर वस्तीत हे सिलिंडरचे गोदाम असल्याने नागरिकांनी अनेकदा त्याला विरोध केला परंतु हटविण्यात आले नाही. अखेर ही घटना घडल्याने संतप्त नागरिकांनी गोदाम फोडल्याची माहिती आहे.
🔷आग नियंत्रणात, प्रशासन घटनास्थळी....
आगीची घटना घडताच परतवाडाच्या ठाणेदार तसेच अचलपूर नगरपालिकेच्या अग्निशामक दल तहसीलदार मदन जाधव महसूल व पोलीस कर्मचारी घटनास्थळी पोहोचले. आग आटोक्यात आणण्यात आली असून आगीच्या कारणाचा शोध सुरू आहे.