जळगांव जा.प्रतिनिधी:-
जळगांव जामोद तालुक्यातील जामोद येथील माळीखेल भागात पाण्याच्या टाकीजवळ राहणाऱ्या गजानन हरीभाऊ डोबे वय ४५ वर्ष या इसमाने सुभाष चौकातील योगेश भुतडा यांच्या घरासमोरील पिंपळाच्या झाडाला दोरीच्या सहाय्याने गळफास घेऊन आत्महत्या केल्याची घटना दिनांक ८ एप्रिल रोजी उघडकीस आली आहे. सदर घटनेची फिर्याद अनंता पांडुरंग हांडे राहणार लोणखेल जामोद यांनी पोलीस स्टेशनला दिली असता घटनास्थळी जळगांव जामोद पोलिसांनी धाव घेतली व पंचनामा करून मर्ग दाखल करून घेतला.पोलिसांनी सदर इसमाचे शव जळगांव जामोद येथील ग्रामीण रूग्णालयात शवविच्छेदन करण्यासाठी पाठविण्यात आले. सदर इसमाने आत्महत्या का केली हे समजु शकले नाही. घटनेचा पुढील तपास जामोद पोलीस चौकीचे इन्चार्ज सहाय्यक पोलिस उपनिरीक्षक लक्ष्मण गव्हाळे हे करीत आहेत.