आज होणार प्रसिद्ध अशी भेंडवळची घटमांडणी तर उद्या होणार भविष्यवाणी...

 

आज होणार प्रसिद्ध अशी भेंडवळची घटमांडणी तर उद्या होणार भविष्यवाणी...

जळगाव जामोद प्रतिनिधी:--

विदर्भातील शेतकऱ्यांचे लक्ष लागून असलेल्या सुप्रसिद्ध भेंडवडची घटमांडणी आज दिनांक 30 एप्रिल रोजी संध्याकाळी होणार आहे. तर 1 मे  एप्रिल रोजी सकाळी या घटमांडणी ची भाकिते जाहीर केली जाणार आहे. पूर्णा नदीच्या काठी वसलेले या गावी घट मांडण्याची परंपरा सुमारे तीनशे वर्षापासून सुरू आहे. घट मांडण्याची परंपरा सुरु करणारे चंद्रभान महाराज यांचे वंशज पुंजाजी महाराज आणि त्यांचे सहकारी सारंगधर महाराज हे भविष्यवाणी जाहीर करतील.अक्षय तृतीयेच्या दिवशी संध्याकाळी गावा गावाबाहेरील शेतामध्ये घटाची मांडणी करण्यात येते. दुसऱ्या दिवशी पहाटे घटांमध्ये झालेल्या बदलावरून आणि घटाच्या आतील धान्याचे सूक्ष्म निरीक्षण करून भाकीत वर्तविले जाते .त्यावरून पिकाचा आणि पावसाचा अंदाज व्यक्त केला जातो. कोणत्या महिन्यात पाऊस जास्त तर कोणत्या महिन्यात पाऊस कमी सांगितला आहे. यावरून शेतकरी यंदा कोणती पिके घ्यायची हे ठरवत असतात. चंद्रभान महाराज यांनी सुरू केलेली परंपरा पुंजाजी महाराज यांनी आजही कायम ठेवली आहे. शेतकऱ्यांचा या भाकितं वर दृढ विश्वास आहे. गुढीपाडव्याच्या दिवशी सुद्धा गावातील हनुमान मंदिराच्या पारावर पूर्व मांडणी केली जाते. या दोन्ही मांडणीमध्ये साम्य असते. त्यामुळे या दोन्ही मांडणीचे निष्कर्ष एकत्र जोडून ही भाकिते वर्तवली जातात. यामधून पाऊस पाण्यासोबतच देशाचे आर्थिक आणि राजकीय भाकीत देखील सांगितले जाते. त्यामुळे काय राहिल यावर्षीची भविष्यवाणी याकडे शेतकऱ्यांचे लक्ष लागले आहे .