"शेतीशी नाळ जपणं हीच खरी जबाबदारी! आमदार डॉक्टर संजय कुटे...
जळगाव जामोद प्रतिनिधी...
शेतकरी हा केवळ अन्नदाता नाही, तो जगाचा पोशिंदा आहे. त्याच्या श्रमातून आपल्या देशाचं भविष्य उभं राहतं. आज शेती परंपरेच्या पलीकडे जाऊन आधुनिकतेशी नाळ जुळवत आहे, आणि हीच दिशा आपल्या शेतकऱ्याला समृद्धीकडे घेऊन जाणारी आहे.आज स्वतः आमदार डॉक्टर संजय कुटे यांनी शेतात जाऊन केळी पिकाची पाहणी केली. शेताच्या मातीचा स्पर्श, झाडांवर उमलणारी हाक आणि हिरवळीची ताजेपणाची अनुभूती मनाला अलगद सुखावून गेली.आमदार असलो तरी माझं मूळ एक सामान्य शेतकरी कुटुंब आहे. शेती ही माझ्या नसानसात भिनलेली आहे. त्यामुळे शेतीशी असलेलं हे नातं हे केवळ व्यवसायाचं नसून भावनेचं, जिव्हाळ्याचं आणि जबाबदारीचं आहे.आनंदाची गोष्ट म्हणजे – आपला जळगाव जामोद मतदारसंघ आता झपाट्याने बागायती शेतीकडे वळताना दिसत आहे. संत्रा आणि केळी या पिकांकडे शेतकऱ्यांचा कल वाढत आहे. भूमिगत जलपातळी वाढल्याने विहिरींमध्ये मुबलक पाणी उपलब्ध आहे, ज्यामुळे पाण्याची टंचाई भासत नाही आणि शेतकरीही आता आधुनिक सिंचन प्रणाली वापरून बागायती शेतीला प्राधान्य देत आहे.या बदलत्या शेतीच्या वाटचालीत मी शेतकऱ्यांच्या पाठीशी उभा आहे – त्यांच्या प्रश्नांसाठी, त्यांच्या हक्कासाठी, आणि त्यांच्या प्रगतीसाठी!"शेती हा माझा श्वास आहे, शेतकरी आणि त्यांच्या समृद्धीसाठी झटणं हीच माझी खरी भूमिका आहे."