आंदोलन कर्ते विनोद पवार यांना अखेर जलसमाधी...! धुपेश्वर नजीक मृतदेह आढळला...
अनिल भगत/बुलढाणा....
तब्बल ३० तासांच्या शोध मोहीमेला यश बचाव पथकास जलसमाधी आंदोलनकर्ता विनोद पवार याचा मृतदेह मलकापूर ग्रामीण मधील पूर्णा नदी पात्रात धुपेश्वर येथे सापडला आहे. संध्याकाळी ७ ते ७:३० च्या सुमारास आंदोलन कर्त्या विनोद पवारचा मृतदेह खाली गाळात फसलेला आढळला.आडोळ खुर्द आंदोलन स्थळापासून जवळपास १४ किलोमीटर अंतरावर असलेल्या धुपेश्वर नजीक पूर्णा नदीच्या पात्रात पवारला जलसमाधी मिळाली होती. जिगाव प्रकल्पांच्या संदर्भात आडुळ खुर्द गावाला रस्ता मिळत नसल्याकारणाने प्रशासनाच्या निषेधार्थ आणि आपल्या मागण्याकडे लक्ष वेधण्यासाठी जिगांव प्रकल्पानजिक पूर्णा नदीवर आडोळ खुर्द येथील गावकऱ्यांनी १५ ऑगस्ट रोजी स्वातंत्र्य दिनाच्या दिवशीच जलसमाधी आंदोलन केले. आडोळ खुर्द या गावाचा जिगाव प्रकल्पात पुनर्वसनाच्या पहिल्या टप्प्यात समावेश होता, मात्र अजूनही त्यांना जागा आणि जमिनीचा योग्य मोबदला मिळाला नसल्याने नागरिकांकडून हे आंदोलन करण्यात आल होतं. शासनाच्या नाकारतेपणामुळे हे प्रतिकात्मक जलसमाधी आंदोलन करत असतानाच आंदोलक सामाजिक कार्यकर्ते विनोद पवार (वय ४५ वर्षे, रा. गौलखेड तालुका जळगाव जामोद यानी निर्माणाधीन असलेल्या जिगाव प्रकल्पाला लागुनच पूर्णा नदीच्या आंदोलन करतेवेळी पात्रात उडी घेतली. यावेळी पूर्णा नदीला मोठ्या प्रमाणात पूर आला होता त्या कारणाने पूर्णा नदी ही दुथडी भरून वाहत असल्याने आणि वेगवान जलप्रवाह असल्यामुळे आंदोलक विनोद पवार वाहून गेले.आंदोलन करतेवेळी विनोद पवार यांनी पूर्ण नदी पात्रात उडी घेतली या घटनेने उपस्थित पोलीस, यंत्रणा आणि गावाकऱ्यात एकच खळबळ उडाली होती. याची माहिती मिळताच जिल्हा प्रशासन देखील हादरले. बुलढाणा येथून जिल्हा शोध बचाव पथकाला आडोळ खुर्द कडे रवाना करण्यात आले होते.१५ ऑगस्ट च्या दुपारपासून रात्री उशिरा पर्यंत वाहून गेलेले आंदोलक विनोद पवार यांचा शोध घेण्यात आला. मात्र रात्री अंधारामुळे शोध मोहिमेत अडथळे येत असल्याने शोधमोहीम थांबविण्यात आली होती.व आज दिनांक १६ आँगष्ट रोजी शनिवारी सकाळ पासूनच खामगाव आणि नांदुरा येथील पथकाकडून बेपत्ता व्यक्तीचा शोध सुरू होता त्यानंतर दुपारी अकोला येथील दिपक सदाफळे यांचे आपत्ती व्यवस्थापन पथक मदतीला पूर्णेच्या पात्रात उतरले. सामूहिक प्रयत्नांमधून शेवटी धुपेश्वर नजीक १४ किलोमीटर अंतरापर्यंत शोध मोहीम सुरू असताना आंदोलन कर्त्यां विनोद पवारचा मृतदेह आढळून आला.त्यांचा मृतदेह मलकापूर येथील सामान्य रुग्णालय येथे नेण्यात आला आहे..