जळगाव जामोद(प्रतिनिधी):
श्रीपाद कृष्ण कोल्हटकर महाविद्यालयातील अर्थशास्त्र विभागाच्या वतीने शैक्षणिक वर्ष २०२६-२७ साठी अर्थशास्त्र अभ्यास मंडळाची कार्यकारिणी निवड प्रक्रिया शुक्रवारी उत्साहपूर्ण वातावरणात पार पडली. बी.ए. व बी.कॉम. शाखेतील विद्यार्थ्यांकडून अर्ज मागवून ईश्वरचिठ्ठीच्या माध्यमातून पदाधिकारी व सदस्यांची निवड करण्यात आली.महाविद्यालयाचे प्राचार्य डॉ. गिरीश मायी यांच्या मार्गदर्शनाखाली ही निवड प्रक्रिया पार पडली. यावेळी प्रा. विनोद बावस्कर, प्रा. नागरे व प्रा. उनडकाट यांची उपस्थिती होती.नवनियुक्त कार्यकारिणीत अध्यक्षपदी साक्षी उंबरकर, उपाध्यक्षपदी निकिता उगले, सचिवपदी सुप्रिया दाभाडे, सहसचिवपदी कोमल नळकांडे, तर प्रसिद्धी प्रमुखपदी गौरव अद्रळे व तेजस्विनी पारस्कर यांची निवड करण्यात आली.याशिवाय सभासद म्हणून राज घुले, प्रणाली भालतडक, मयुरी तायडे, रिंकू थोर, पूजा मिसाळ, श्रुती दाभाडे, निकिता दाभाडे, शिवानी डांगे, निंबाजी वासनकार, गणेश कोथळकर व अभिजीत खंडाळे यांची निवड झाली.अर्थशास्त्र विषयातील विद्यार्थ्यांमध्ये अभ्यासाची आवड निर्माण करणे, विविध शैक्षणिक उपक्रम राबविणे, चर्चासत्रे, व्याख्याने व स्पर्धांचे आयोजन करणे, तसेच विद्यार्थ्यांना अर्थशास्त्राच्या व्यावहारिक ज्ञानाची जोड देणे, या उद्देशाने अभ्यास मंडळाच्या माध्यमातून वर्षभर विविध उपक्रम राबविण्यात येणार आहेत.सदर निवड प्रक्रियेचे संचालन प्रा. विनोद बावस्कर यांनी केले.